Sangkay

Siring han ak usa nga sangkay, maraksot daw ako.

Yakan ko, “Okay la maraksot basta may hibaro.”

Siring han ak usa nga sangkay, gwapo daw ako.

Yakan ko, “Aw, oo. Maiha na’k maaram hito.”

Siring han ak usa nga sangkay, baltok daw ako.

Yakan ko, “Salamat, pero ha lahi talaga ito.”

Siring han ak usa nga sangkay, bayot daw ako.

Yakan ko, “Okay la ma-bayot basta malimpyo.”

Siring han ak usa nga sangkay, maisog daw ako.

Yakan ko, “Okay la maisog, basta di nan-ngangastigo.

Siring han ak usa nga sangkay, adik daw ako.

Yakan ko, “Okay la ma-adik basta di la ha shabu.”

Siring han ak usa nga sangkay, padlas daw ako.

Yakan ko, “Aringasa, kay ikaduha la’k ha imo!”

Siring han ak usa nga sangkay, hahalot daw ako.

Yakan ko, “Bakay human ka na, magyayakan ka hito?”

Siring han ak usa nga sangkay, lalamot daw ako.

Yakan ko, “Marasa ka manggud, tuyo la ha imo!”