Hadto hasta yana, ikaw la’t minayuyo
Sanglit ayaw na gad pagpinanga-bugho
Alayon kun mahihimo, tapuri it akon gugma
Kay ikaw la, waray na gud iba it ak ginhihimaya.
Ha kada adlaw nga di ko ikaw nakikit-an
Baga ak hit malulurong, diri nahihimutang
Ikaw ngan ikaw la it akon ginhihigugma
Paglingi ha iba, waray ha ak huna-huna.
Ha akon dughan, ikaw la it nakakabay-og
Ipakita gad ha akon, imo tim-os nga pagtapod
Ngatanan nga gusto mo, akon ihahatag
Bisan it kalibutan, puyde ko ihalad.
Tigamni pirme nga higugmaon ko ikaw
Ha akon dughan, waray ha imo makakalabaw
Kun pananglitan ini nga siday imo mabasahan
Halad ko ini ha imo kay ikaw hinigugma man.
Published by anmgasidaynimayok
Mario “Mayok” Narrido is a native of San Miguel, Leyte and the first-born among four siblings. Raised from a humble family, he grew up making money on his own to upkeep his studies. Aside from making his classmates’ projects and by joining all the contests at school, he also joined several siday writing contests just to earn money. When his first siday entitled ‘Demand-Driven nga Statistika, Aton Kinahanglanon’ won the grand prize title during the 19th National Statistics Month ‘Siday’ Writing Contest in November 2008 held at the Philippine Information Agency, Regional Office 8, Tacloban City, he then fell in love with siday writing and decided to write more. Thus, this masterpiece.
View more posts
AN MGA SIDAY NI MAYOK 