Akon Ka, Imo Ako

Posted byanmgasidaynimayokPosted inUncategorized

Grabe kamakuri hiton gin-aabat ko

Labi na kon diri ako nakita ha imo

Napupuno hin kabaraka inin akon dughan

Nagpipinanhuna-huna, kay hirayo ka man.

Unta aadi ka pirme ha akon mga butkon

Para diri na ako magkinabaraka intawon

Pag-atiman ha imo it pirme ko bubuhaton

Tungod kay natawo ako para ikaw higugmaon.

Ini nga ak kinabuhi, ginhahalad ko ha imo

It magkahirayo kita’n duha, diri ko gad gusto

Masakit ha dughan ngan makuri nga duro

It di ka makit-an, sobra kamakabibido.

Saad naton nga duha, akon ka, imo ako

Mga pulong han kasingkasing, aton ginkandado

Kun mayda magsulay, ayaw kita padara

Dapat kita la nga duha hangtod hit kahasta.

Tigmani ini nga akon mga pulong

It ak paghigugma, para imo la intawon

It akon kasingkasing, ikaw it agaron

Waray na lain pa nga hihigugmaon.

Published by anmgasidaynimayok

Mario “Mayok” Narrido is a native of San Miguel, Leyte and the first-born among four siblings. Raised from a humble family, he grew up making money on his own to upkeep his studies. Aside from making his classmates’ projects and by joining all the contests at school, he also joined several siday writing contests just to earn money. When his first siday entitled ‘Demand-Driven nga Statistika, Aton Kinahanglanon’ won the grand prize title during the 19th National Statistics Month ‘Siday’ Writing Contest in November 2008 held at the Philippine Information Agency, Regional Office 8, Tacloban City, he then fell in love with siday writing and decided to write more. Thus, this masterpiece.

Leave a comment

Design a site like this with WordPress.com
Get started