‘Nay, magutom, waray pagkaon.
‘Nay, mauhaw, tagi’n irimnon.
‘Nay, mapaso, tagi’n pamaypay.
‘Nay, mahagkot, magamol la anay.
‘Nay, makapoy, ayaw ak sugu-a.
‘Nay, mapiraw pa, ayaw lak anay pukawa.
‘Nay, mahubya gad, diri ak maupod.
‘Nay, masudoy ako, ayaw pag-isog.
‘Nay, nakain ka? Naiha ka man.
‘Nay, pagdali gad, bangin kita mabayaan.
‘Nay, tagi’n kwarta, may papaliton ko la.
‘Nay, sige na gad, importante la.
‘Nay, an ak uniform, ginlabhan mo na?
Liwat iton, bangin diri na it magmara.
‘Nay, an ak polo kurumos, plantsaha anay.
Sige na gad, aanhi ka manla ha balay.
Pastilan intawon, mag-aano daw la?
Kun hi Nanay ha aton, mawara la tigda?
Hin-o pa’t tatawagon? Hin-o pa’t dadaupan?
Kun it aton Nanay, usa la ha kalibutan.
AN MGA SIDAY NI MAYOK 