Han bata pa ako, nangangalas daw ako
Kun ginsusunlog ako han ak mga Tiyo
Nalakat, napahirayo, diri nan-ngangasi
Pagbalik ha balay, diri nagngingisi-ngisi.
Han bata pa ako, makarit kuno ako
Ha eskwelahan, pirme dagko’n grado
Diri ak napapirdi, basta naapi’n contest
Sanglit nag-Valedictorian, pag-graduate han Grade Six.
Han bata pa ako, di daw ak naupod
Panabnit ha hagna, kay udog naawod
Pero an tinood, diri la ak naayon
Nga mabulad ha sirak, kay mag-iiritom.
Han bata pa ako, danay nalalamba
Hin silhig, tsinelas, pisi o danay paha
Kay udog pasaway, diri natu-od danay
Ha mga sugo ni Nanay pati na ni Tatay.
Han bata pa ako, nag-iisog ako danay
Kun diri gintutugutan nga umupod ha mga sangkay
Pirme nagtutu-ok, kun diri napapalitan
Han mga butang nga gusto, kay tungod pobre man.
Yana nga dako na, nag-iba na an ngatanan
Bubuhaton, papaliton tanan nga maayunan
Pero mayda adlaw nga ginhihidlaw gihap ako
Han tanan nga gin-agi-an han bata pa ako.
Published by anmgasidaynimayok
Mario “Mayok” Narrido is a native of San Miguel, Leyte and the first-born among four siblings. Raised from a humble family, he grew up making money on his own to upkeep his studies. Aside from making his classmates’ projects and by joining all the contests at school, he also joined several siday writing contests just to earn money. When his first siday entitled ‘Demand-Driven nga Statistika, Aton Kinahanglanon’ won the grand prize title during the 19th National Statistics Month ‘Siday’ Writing Contest in November 2008 held at the Philippine Information Agency, Regional Office 8, Tacloban City, he then fell in love with siday writing and decided to write more. Thus, this masterpiece.
View more posts
AN MGA SIDAY NI MAYOK 